پاکستان میں سونے کی قیمت میں اضافہ

پاکستان میں فی تولہ 24 قیراط سونے کی قیمت میں بڑا اضافہ دیکھنے میں آیا ہے۔

سندھ صرافہ بازار ایسوسی ایشن کے مطابق جمعرات کو سونے کی فی تولہ قیمت میں 1200 روپے کا اضافہ ہوا۔

حالیہ اضافے کے بعد 24 قیراط سونے کی فی تولہ کی نئی قیمت 130150 روپے پر پہنچ گئی ہے۔

واضح رہے پیر سے پدھ تک سونے کی فی تولہ قیمت میں 1850 روپے کی کمی ہوئی تھی۔

سندھ صرافہ بازار ایسوسی ایشن کے مطابق 24 قیراط کے دس گرام سونے کی قیمت میں 1072 روپے کا اضافہ ہوا جس کے بعد نئی قیمت 111583 روپے رہی۔

بائیس قیراط سونے کے دس گرام کی قیمت 102284 روپے رہی۔

انٹرنیشنل گولڈ مارکیٹ میں ٹریڈنگ کے دوران جمعرات کے روز فی اونس سونے کی قیمت 17 ڈالرز کے اضافے کے بعد 1942 ڈالر رہی۔