پاکستان میں آج سونے کی قیمت میں کتنا اضافہ ہوا؟

پاکستان میں کاروباری ہفتے کے پہلے روز فی تولہ 24 قیراط سونے کی قیمت میں اضافہ ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق پیر کے روز فی تولہ 24 قیراط سونے کی قیمت میں 700 روپے کا اضافہ ہوا ہے۔

حالیہ اضافے کے بعد ملک بھر میں سونے کی فی تولہ قیمت ایک لاکھ 30 ہزار700 روپے ہوگئی ہے۔

دوسری جانب 10 گرام سونے کی قیمت میں بھی 600 روپے کا اضافہ ہوا جس کے بعد اس کی نئی قیمت بڑھ کر ایک لاکھ 12 ہزار 54 روپے ہوگئی ہے۔

جبکہ عالمی منڈی میں سونے کی قدر 5 ڈالرز اضافے کے بعد ایک ہزار926 ڈالرز فی اونس پر پہنچ گئی ہے۔