سعودی عرب میں 5 لاکھ نشہ آور گولیاں سمگل کرنے کی کوشش، 6 افراد گرفتار

سعودی عرب میں محکمہ انسداد منشیات کے ترجمان محمد النجیدی نے کہا ہے کہ’ پانچ لاکھ سے زیادہ نشہ آور گولیوں کی سمگلنگ کی کوشش ناکام بنائی گئی ہے‘۔ 

سرکاری خبر رساں ایجنسی ایس پی اے کے مطابق ترجمان نے بیان میں کہا کہ’ نشہ آور گولیاں لفٹ کے سپیئر پارٹس، مشینری اورسامان میں مہارت سے چھپا کر مملکت لائی جا رہی تھیں‘۔

ترجمان نے بتایا کہ ’سمگلنگ میں ملوثت تین مصری شہریوں، ایک شامی اور دو سعودیوں کو جدہ اور ریاض میں گرفتارکیا گیا ہے۔ انہیں قانونی کارروائی کے بعد پبلک پراسیکیوشن کے حوالے کردیا گیا‘۔ 

محکمہ انسداد منشیات کے ترجمان نے کہا کہ’ وزارت داخلہ کے تمام سیکیورٹی ادارے زکوۃ، ٹیکس اور کسٹم اتھارٹی کے ساتھ تعاون سے مملکت اور اس کے نوجوانوں کو نشہ آور اشیا کے ذریعے برباد کرنے کی ہر کوشش پر کڑی نظر رکھے ہوئے ہیں‘۔