بی ٹی ایس بینڈ کے 'وقفہ' کے اعلان پر عرب شائقین کا ردعمل
بی ٹی ایس بینڈ کے 'وقفہ' کے اعلان پر عرب شائقین کا ردعمل
بدھ 15 جون 2022 15:08
میں نے پڑھا کہ بی ٹی ایس ٹوٹ گیا ہے اور نہیں معلوم کہ میں کیوں رونے لگا۔ فوٹو ٹوئٹر
جنوبی کورین سنگرز بینڈ بی ٹی ایس کے بوائز نے ایک ویڈیو کلپ میں کہا ہے کہ وہ کام کر کے تھک چکے ہیں اور کچھ وقفہ لینا چاہتے ہیں اور تھوڑا آرام کے بعد ایک مضبوط گروپ کے طور پر واپس آئیں گے۔
عرب نیوز کے مطابق ان سات تھکے ہوئے راک بینڈ کے فنکاروں نے ویڈیو کلپ میں بات کرتے ہوئے ان خیالات کا اظہار کیا ہے کہ وہ اپنےکیرئیر کو مزید مضبوط بنانے کے لیے تھوڑا وقت چاہتے ہیں۔
بینڈ کے رکن سوگا نے گروپ ڈنر میں کہا کہ ہم 'وقفہ' کر رہے ہیں۔ فوٹو عرب نیوز
عالمی سطح پر مقبول اور جنوبی کوریا کی معیشت کو اربوں ڈالر کما کر دینے والے اس راک بینڈ کے فنکاروں نے گذشتہ رات منگل کو اپنے سالانہ ڈنر پر یہ دھماکے داربات کی ہے ۔
بی ٹی ایس بینڈ کی جانب سے یہ خبر ان کی سالگرہ منائی جانے والی تقریب کا اہم حصہ سمجھی جا رہی ہے۔
بینڈ نے گروپ کے آفیشل یوٹیوب چینل پر پوسٹ کئے گئے اپنے ایک جذباتی ویڈیو میں تھکن اور دباؤ کا حوالہ دیا ہے۔
اس پیغام اور خبر کی روشنی میں عرب شائقین نے اپنی مختلف رائےاور اظہار کے ذریعے سوشل میڈیا پلیٹ فارم بھردیا ہے۔
دوسری جانب بی ٹی ایس کی پروموشن تفریحی کمپنی Hybe نے ایک پیغام میں کہا ہے کہ گروپ کوئی وقفہ نہیں لے رہا، مختلف پروجیکٹس پر کام جاری رہے گا کیونکہ ملکی معیشت کے لیے اربوں ڈالر کمانے کا سہرا بی ٹی ایس کے سات گلوکاروں کے سر ہے۔
یہ خبر ان کی سالگرہ تقریب کا اہم حصہ سمجھی جا رہی ہے۔ فوٹو یوٹیوب سنیپ
بینڈ کے29 سالہ رکن سوگا نے گروپ ڈنر میں اپنے بینڈ فیلوز سے کوریائی زبان میں بات کرتے ہوئے کہا، جس کی ایک ویڈیو گروپ کے آفیشل یوٹیوب چینل پر پوسٹ کی گئی۔
ویڈیو کلپ میں انگریزی سب ٹائٹلز شامل تھے، جس میں لفظ 'hiatus' یعنی 'وقفہ' کا استعمال کیا گیا تھاجس کے بعد تفریحی کمپنی نے فوری طور پر اختلاف کرتے ہوئے کہا کہ بینڈ کی سرگرمیاں معطل نہیں کی جائیں گی۔
گروپ کے رکن نے کہا کہ ایسا نہیں ہے کہ ہم آف ہو رہے ہیں ہم صرف تھوڑی دیر کے لیے الگ ہو رہے ہیں۔
اس دھماکے دار خبر کے فوری بعد سوشل میڈیا کے ذریعے راک گروپ کے عرب فین میں بیش بہا تبصرے جاری ہوئے ہیں۔
ایک پرستار نے ٹویٹ کیا ہے کہ میں نے پڑھا کہ بی ٹی ایس ٹوٹ گیا ہے اور مجھے نہیں معلوم کہ میں کیوں رونے لگا۔
ایسا نہیں ہے کہ ہم آف ہو رہے ہیں صرف تھوڑی دیر الگ ہو رہے ہیں۔ فوٹو عرب نیوز
ایک عرب مداح نے لکھا ہے کہ یہ اچھا ہے کہ گروپ کچھ آرام کرنے کے لیے وقفہ لے رہا ہے لیکن یہ مجھے پسند نہیں آیا اور یہ افسوسناک ہے لیکن اصل بات یہ ہے کہ بی ٹی ایس کو کچھ وقفے کی ضرورت ہے۔
ایک صارف نے ٹویٹ کیا ہے کہ یہ گروپ ہم سب کے لیے ہمارے لیے مسلسل کام کررہا ہے اس لیے مجھے امید ہے کہ کچھ آرام سے وہ اپنا توازن قائم رکھ سکیں گے اور کچھ ایسی چیزیں بھی لائیں گے جو وہ پہلے نہیں کر سکے۔
ایک اور حامی نے اپنے پیغام میں گروپ کے مداحوں کو تسلی دینے کی کوشش کرتے ہوئے لکھا ہے کہ بی ٹی ایس نہیں ٹوٹے گا اور نہ ہی وقفہ لے گا۔ وہ اپنے انفرادی اور اجتماعی منصوبوں پر کام کریں گے لیکن زیادہ توجہ ان کے انفرادی کام پر رہے گی اور یہ صرف ایک مخصوص مدت کے لیے ہے۔
سعودی عرب کی مزید خبروں کے لیے واٹس ایپ گروپ جوائن کریں
