سعودی وزارت صحت کا کہنا ہے کہ مملکت میں کووڈ 19 کے نئے کیسز میں کمی کا سلسلہ جاری ہےجبکہ صحت یاب ہونے والوں کی تعداد میں اضافہ ہورہا ہے۔
عاجل اور سبق ویب سائٹ کے مطابق وزارت صحت کا کہنا ہے کہ بدھ 10 اگست کو کورونا کے 150 نئے کیسز ریکارڈ پر آئے اس طرح اب تک کل مریضوں کی تعداد 8 لاکھ 11 ہزار512 ہوچکی ہے۔
وزارت صحت کے مطابق کووڈ 19 سے مزید 220 افراد صحت یاب ہوئے اس طرح اب تک شفا پانے والوں کی کل تعداد 7 لاکھ 98 ہزار172 تک پہنچ گئی۔
مزید پڑھیں
-
مملکت میں کورونا سے 3 اموات ، 127 نئے کیسز
Node ID: 690776 -
کورونا کے نازک کیسز میں مزید کمی، 2 اموات
Node ID: 691416
کورونا سے بدھ کو ایک ہلاکت کی تصدیق ہونے کے بعد اب تک مرنے والوں کی کل تعداد 9264 ہوگئی ہے۔
وزارت صحت کا کہنا ہے کہ اس وقت انتہائی نگہداشت کے شعبے میں 83 افراد زیرعلاج ہیں جن کا علاج جاری ہے۔
وزارت صحت کے مطابق مملکت بھر میں کورونا ویکسین کی خوراکوں کی تعداد میں بھی دن بدن اضافہ ہورہا ہے۔ اب تک ساڑھے چھ کروڑ سے زیادہ خوراکیں دی جاچکی ہیں۔
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں
