سعودی قیادت کی طرف سے انڈونیشی صدر کو مبارکباد

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے انڈونیشیا کے صدر جوکو ویدودو کو یوم آزادی پر مبارکباد پیش کی ہے۔

سعودی پریس ایجنسی کے مطابق سعودی قیادت نے انڈونیشی حکومت اور عوام کے لیے نیک جذبات کا اظہار کیا ہے۔

شاہ سلمان نے انڈونیشی صدر کے نام روانہ کئے جانے والے تہنیتی پیغام میں  کہا ہے کہ ’آپ کو اور انڈونیشی عوام کو یوم آزادی مبارک ہو‘۔

اسی طرح کا مکتوب ولی عہد شہزادہ محمد بن سلمان کی طرف سے بھی روانہ کیا گیا ہے جس میں کہا گیا ہے کہ ’ہم انڈونیشی حکومت اور عوام کے لیے ترقی اور کامرانی کی امید رکھتے ہیں‘۔