بدھ 11 جنوری کو روپے کے مقابلے میں امریکی ڈالر، سعودی ریال سمیت اہم کرنسیوں کی قیمت

پاکستان کی انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں اضافے کا سلسلہ بدھ کے روز بھی جاری رہا۔

سٹیٹ بینک کی جانب سے 11 جنوری کو جاری کردہ کرنسی ایکسچینج رپورٹ کے مطابق پاکستانی روپے کے مقابلے میں امریکی ڈالر کی قیمت پانچ پیسے کے اضافے کے بعد 227.93 روپے ہوگئی ہے۔

گذشتہ روز انٹربینک مارکیٹ میں روپے کے مقابلے میں امریکی ڈالر کی قیمت 227.88 روپے ریکارڈ کی گئی تھی۔

اس کےعلاوہ منگل کو انٹربینک مارکیٹ میں سعودی ریال کی قیمت 60.69، اماراتی درہم 62.05، کویتی دینار 745.14، عمانی ریال 592.78، بحرینی دینار 604.64 اور قطری ریال کی قدر 62.28 روپے رہی۔

انٹربینک مارکیٹ میں برطانوی پاؤنڈ کی قیمت 277.13 اور یورو کی قدر 244.92 روپے رہی۔

دوسری جانب اوپن کرنسی مارکیٹ میں امریکی ڈالر کی قیمت خرید 235.7 اور قیمت فروخت 238، سعودی ریال کی قیمت خرید 66.7 اور قیمت فروخت 67.35 جب کہ اماراتی درہم کی قیمت خرید 68.75 اور قیمت فروخت 69.35 روپے رہی۔