ریاض میں سعودی ڈیزائن فیسٹیول کا ’خاص مقصد‘ کیا ہے؟

کنسلٹنسی فرم اینڈ بوک کے سی ای او نے کہا ہے کہ سعودی ڈیزائن فیسٹیول پائیدار ترقی کو فروغ دینے کے ’خاص مقصد‘ کے لیے شروع کیا گیا ہے۔

سعودی خبر رساں ادارے ایس پی اے کے مطابق سعودی ڈیزائن ویک کی شریک بانی بسمہ بوزو  نے کہا کہ ’ہم نے سعودی ڈیزائن ویک کا آغاز اسے آگے بڑھانے کے تصور اور ذہنیت کے ساتھ کیا۔‘

’اس کا مطلب ہے کہ مختلف ورژنز کو پھیلانا اور ان کو ایڈجسٹ کرنا جس کے لیے ہم نے محسوس کیا کہ کمیونٹی تیار ہے۔ اسے مزید آگے بڑھایا گیا اور دنیا بھر میں فیسٹیولز نے نئے فارمیٹس کو اپنایا۔‘

یہ فیسٹیول نوجوان ٹیلنٹ کو اجاگر کر رہا ہے اور مملکت بھر میں مقامی ڈیزائن کمیونٹیز کی ترقی کو فروغ دے رہا ہے۔

بسمہ بوزو  نے کہا کہ ’چاہے نوجوان ہوں یا مستحکم، سبھی ڈیزائنرز ان ڈیزائن کمیونٹیز کی تعمیر میں بڑا کردار ادا کرتے ہیں‘۔

سٹی حب میں 23 جنوری تک جاری رہنے والے اس پروگرام میں سعودی آرکیٹیکچر اینڈ ڈیزائن کمیشن کے تعاون سے پینل ڈسکشنز، ورکشاپس، نمائش اور رہنمائی کے سیشنز ہوں گے۔

سعودی ڈیزائن ویک کی شریک بانی بسمہ بوزو  نے کہا کہ ’ فیسٹیول کے پینل سیشنز نے ایک ایسا فورم بنایا ہے جو ڈیزائن کے شعبے کو اپنی بصیرت اور حکمت کا اشتراک کرنے کی اجازت دیتا ہے‘۔

انہوں نے مزید کہا کہ ’ یہ ہم خیال افراد کو مربوط کرنے کے ساتھ ساتھ ڈیزائن کو مزید فروغ دینے میں بھی مدد کرتا ہے۔ یہ واقعی خیالات، منصوبوں اور انیشیٹو پر بات کرنے کا ایک بہترین طریقہ بھی ہے‘۔

یہ فیسٹیول شہر کے ارد گرد 35 سے زائد مقامات پر تقریبات کی میزبانی کرے گا، بشمول عود سکوائر، دی بلیوارڈ ریاض، گیلریاں اور تین ڈیزائن والے مقامات۔