سعودی وزیر خارجہ شہزادہ فیصل بن فرحان سے اتوار کو خلیجی تعاون کونسل کے جنرل سکریٹری نایف الحجرف نے الوداعی ملاقات کی ہے۔
سرکاری خبر رساں ایجنسی ایس پی اے کے مطابق شہزادہ فیصل بن فرحان نے بطور سیکریٹری جنرل کے دور میں مشترکہ خلیجی عمل کو فروغ دینے میں ان کے نمایاں کردار اور جی سی سی کے مقاصد پوری کرنے والی کوششوں کی تعریف کی۔
اس موقع پر وزارت خارجہ کے انڈر سیکریٹری ڈاکٹرعبدالرحمن الرسی بھی موجود تھے۔
