سعودی عرب اور تیونس کے درمیان تعلقات اور باہمی تعاون کا جائزہ

سعودی وزیر خارجہ شہزادہ فیصل بن فرحان نے بدھ کو تیونس کے ہم منصب نبیل عمار سے ٹیلی فون پر رابطہ کیا ہے۔

سرکاری خبر رساں ایجنسی ایجنسی ایس پی اے کے مطابق شہزادہ فیصل بن فرحان نے تیونس کے وزیر خارجہ کو منصب سنبھالنے پر مبارکباد دی۔

رابطے کے دوران سعودی عرب اور تیونس کے تعلقات کے پہلووں اور دونوں دوست ملکوں کے درمیان باہمی تعاون کے شعبوں کا جائزہ لیا گیا

دونوں وزرائے خارجہ نے علاقائی اور بین الاقوامی سطح پر ہونے والی پیش رفت، سلامتی اور استحکام کے فروغ کے لیے کی جانے والی کوششوں پر بھی تبادلہ خیال کیا۔

مشترکہ مفادات کے اہم ترین ایشوز بھی زیر بحث آئے۔