اقامہ اور لیبر قوانین کی خلاف ورزی، پاکستان سمیت 10 ممالک کے 265 تارکین گرفتار

سعودی عرب میں ریاض پولیس نے اقامہ اور لیبر قوانین کی خلاف ورزی پر 10 ممالک کے 265 تارکین کو گرفتار کیا ہے۔

تارکین کا تعلق بنگلہ دیش، انڈیا، پاکستان، سوڈان، یمن، مصر، نیپال، افغانستان، ایتھوپیا اور سری لنکا سے ہے۔

عاجل ویب   کے مطابق محکمہ امن عامہ نے بیان میں کہا کہ’ گرفتاریاں دارالحکومت کے جنوبی محلوں اور گاڑیوں کے سالانہ انسپیکشن (فحص الدوری) سٹیشنوں کے اطراف عمل میں آئی ہیں‘۔ 

حراست میں لیے جانے والے غیرملکیوں کو قانونی کارروائی کے بعد متعلقہ ادارے کے حوالے کیا گیا ہے۔

علاوہ ازیں محکمہ امن عامہ کا کہنا ہے کہ 16 دراندازوں کو ٹرانسپورٹ کی سہولت فراہم  پر ایک مقامی شہری کو گرفتارکیا گیا ہے۔ دراندازوں میں سے  گیارہ کا  تعلق یمن، تین  کا ایتھوپیا اور ایک کا صومالیہ سے ہے۔