یمن میں اپریل کے پہلے ہفتے کے دوران مزید 782 بارودی سرنگیں صاف
اب تک تین لاکھ، 93 ہزار 804 بارودی سرنگوں کو ناکارہ بنایا گیا ہے( فوٹو: ایس پی اے)
یمن میں بارودی سرنگیں صاف کرنے کے سعودی پروجیکٹ مسام نے اس سال اپریل کے پہلے ہفتے کے دوران مختلف علاقوں میں حوثیوں کی بچھائی ہوئی مزید 782 بارودی سرنگیں صاف کی ہیں۔
عرب نیوز کے مطابق شاہ سلمان مرکز برائے امداد و انسانی خدمات کی نگرانی میں خصوصی ٹیموں نے یمن میں نصب کیے گئے دھماکہ خیز آلات کو مسام پروجیکٹ کے تحت محفوظ بنایا۔
سرکاری خبر رساں ایجنسی ایس پی اے کے مطابق سعودی مسام پروجیکٹ کے آغاز سے اب تک یمن میں حوثیوں کی بچھائی گئی تین لاکھ، 93 ہزار 804 بارودی سرنگوں کو ناکارہ بنایا گیا ہے۔
شاہ سلمان مرکز برائے امداد و انسانی خدمات مسام کے نام سے حوثیوں کی بچھائی ہوئی باروی سرنگیں صاف کرنے کا پروگرام جاری رکھے ہوئے ہے۔
شاہ سلمان بن عبدالعزیز کی ہدایت پر مسام پروجیکٹ یمن کےعوام کے دکھوں کو کم کرنے میں مدد کے لیے متعدد اقدامات میں سے ایک ہے۔
مسام پروجیکٹ کا مقصد یمن کے مختلف شہری اور دیہی علاقوں سے بارودی سرنگوں کی صفائی کرنا ہے تاکہ معصوم شہریوں کی جانوں کو ان سے محفوظ کیا جا سکے۔
واضح رہے کہ حوثی باغیوں کی جانب سے 1.2 ملین سے زیادہ بارودی سرنگیں بچھائی گئی ہیں جس کے باعث سیکڑوں معصوم شہریوں کے زخمی اور ہلاک ہونے کے واقعات رونما ہوئے ہیں۔
مسام کے پاس اس کام کے لیے 32 ٹیمیں ہیں اور اس کا مقصد یمن میں بارودی سرنگوں کو ختم کرنا ہے تاکہ عام شہریوں کی حفاظت کی جا سکے اور یہ یقینی بنانا ہے کہ فوری طور پر انسانی ہمدردی کی فراہمی کو بحفاظت فراہم کیا جائے۔
جون 2022 میں مسام پروجیکٹ کے معاہدے کو 33.29 ملین ڈالر کی لاگت سے مزید ایک سال کے لیے بڑھایا گیا ہے۔
یمن میں مارچ کےدوران حوثیوں کی تین ہزار 316 بارودی سرنگیں صافNode ID: 755591
حوثی رہنما سے مذاکرات، سعودی اور عمانی وفود کی یمن آمدNode ID: 757026
