نیا تفریحی منصوبہ ’فیا ریاض‘ کا افتتاح کب ہوگا؟
شائقین کوتفریح کا منفرد موقع میسرآئے گا(فوٹو، ایس پی اے)
سعودی محکمہ تفریحات کے سربراہ ترکی آل الشیخ نے کہا ہے کہ دارالحکومت میں ’فیا ریاض‘ تفریحی منصوبے کا افتتاح 11 مئی کو کیا جائے گا۔
العربیہ نیٹ کے مطابق آل الشیخ نے بتایا کہ فیا ریاض زون دارالحکومت میں اعلی ترین تفریحاتی زونز میں سے ایک ہے۔
یہاں معیاری ریستوران، تجارتی مراکز اور منتخب سینما گھر مہیا ہوں گے۔ شائقین یہاں آکر مارکیٹنگ، منفرد اورمعیاری رہائش کی سہولیات سے مستفیض ہوں گے۔
’فیا ریاض‘ زون اپنے ڈیزائن اور سہولیات کے حوالے سے شائقین کو نیا یادگار تجربہ کرائے گا جوریاض شہر کی انفرادی پہچان کی علامت ہوگا۔
انٹرنیشنل کاروباری اداروں کی مصنوعات بھی مہیا ہوں گی۔ ایک فائیو سٹار ہوٹل ہوگا۔ مملکت میں پہلی بار انٹرنیشنل کیفے اور متعدد ریستوران بھی متعارف کرائے جائیں گے۔ 7 سینما گھر ہوں گے۔ ہر ایک مختلف ڈیزائن والا ہوگا۔ سنگ تراشی کے جمالیاتی نمونے ہوں گے۔ سبزہ زاروں کے دلکش مناظر بھی شائقین کا استقبال کریں گے۔
