پاکستان میں جاری سیاسی بحران کے بعد انٹربینک مارکیٹ میں بدھ کو پاکستانی روپے کے مقابلے میں امریکی ڈالر کی قیمت میں بڑا اضافہ ریکارڈ کیا گیا ہے۔
سٹیٹ بینک آف پاکستان کے مطابق انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں 5.38 روپے کا کا اضافہ ریکارڈ کیا گیا ہے جس کے بعد اس کی نئی قیمت 290.22 روپے ہوگئی ہے۔
پاکستان کی انٹربینک مارکیٹ میں سعودی ریال کی قدر 77.38، اماراتی درہم 79.03، بحرینی دینار 769.86، عمانی ریال 754.80، کویتی دینار 946.76 اور قطری ریال کی قیمت 79.66 روپے ریکارڈ کی گئی۔
دوسری جانب اوپن مارکیٹ میں 10 مئی کو امریکی ڈالر کی قیمت خرید 292 اور قیمت فروخت 296 روپے ریکارڈ کی گئی۔
سعودی ریال کی قیمت خرید 77 اور قیمت فروخت 77.8 جبکہ اماراتی درہم کی قیمت خرید 79 اور قیمت فروخت 79.9 روپے رہی۔
