دمام میں ریستوران اور الاحسا کے مکان میں آتشزدگی، پانچ زخمی

سعودی محکمہ شہری دفاع نے دمام کے ریستوران اور الاحسا کے ایک گھر میں لگنے والی آگ پر قابو پا لیا۔ پانچ افراد زخمی ہوئے۔

محکمہ شہری دفاع نے ٹوئٹر پر بیان میں کہا کہ دمام کے ریستوران میں آتشزدگی سے ایک شخص زخمی ہوگیا جسے طبی امداد کے بعد ہسپتال منتقل کیا گیا۔

آگ لگنے سے ریستوران کو نقصان پہنچا تاہم کوئی جانی نقصان نہیں ہوا۔

علاوہ ازیں الاحسا کے قریے ابو ثور میں محکمہ شہری دفاع نے ایک گھر میں لگی آگ پر قابو پا لیا۔

آتشزدگی میں چار افراد زخمی ہوئے جنہیں طبی امداد کے بعد ہسپتال منتقل کیا گیا ہے۔