کوڑا دان کی جگہ تبدیل کرنے پر 500 ریال جرمانہ ہوگا

وزارت بلدیات امور نے کہاہے کہ گلی محلوں میں کوڑا دان کی جگہ متعین ہے جسے تبدیل کرنا خلاف ورزی ہے۔

سبق ویب سائٹ کے مطابق وزارت نے کہا ہے کہ ’کوڑا دان کی جگہ تبدیل کرنے پر 500 ریال جرمانہ ہوگا‘۔

’گلی محلوں میں کوڑا دان خاص جگہوں پر رکھے جاتے ہیں جو پہلے سے طے شدہ ہیں اور انہیں صاف کرنے کے لیے صفائی کارکنوں کے پاس مقامات لکھے  ہوئے ہیں‘۔

’صفائی کارکنوں کو کوڑا جمع کرنے کے لیے ایک خاص روٹ دیا جاتا ہے جس پر چل کر وہ پورے محلے کا کوڑا جمع کرتے ہیں‘۔

’ایسے میں کوڑا دان کی جگہ تبدیل کرنے سے صفائی کارکنوں کو مشکل ہوتی ہے اور بعض أوقات کوڑا دان خالی کرنے سے رہ جاتا ہے‘۔

وزارت نے کہا ہے کہ’کوڑا دان میں صرف عام کوڑا پھینکا جانا چاہئے‘۔

’عمارتوں کا ملبہ ، پرانا فرنیچر یا لکڑی یالوہے یا پلاسٹک کا بڑے حجم کا کوڑا عام کوڑا دان پھینکنا منع ہے‘۔

’عمارتوں کے ملبے اور پرانے فرنیچر کے لیے خصوصی کوڑا دان کی ضرورت ہے جسے بلدیہ سے رابطہ کرکے حاصل کیا جاسکتا ہے‘۔

وزارت نے کہا ہے کہ ’کوڑا دان کو خراب کرنا یا اس میں توڑ پھوڑ کرنا جرم ہے جس پر ایک ہزار ریال جرمانہ ہوگا‘۔