اجلاس میں جی سی سی کے وزرا کے علاوہ خلیج تعاون کونسل کے سیکریٹری جنرل اور امریکی وزیر خارجہ انتونی بلنکن نے بھی شرکت کی۔
امریکہ میں متعین سعودی سفیر شہزادی ریما بنت بندر، سیکریٹری خارجہ برائے کثیر فریقی بین الاقوامی امور ڈاکٹرعبدالرحمن الرسی اور وزیر خارجہ کے دفتر کے ڈائریکٹر جنرل عبدالرحمن الداود شریک ہوئے۔
خبررساں ادارے ایس پی اے کے مطابق امریکی اور خلیجی ممالک کے وزرائے خارجہ نیز جی سی سی کے سیکریٹری جنرل نے مختلف شعبوں میں امریکہ اور جی سی سی ممالک کے درمیان تعاون کو جدید خطوط پر استوار کرنے اور مضبوط بنانے کے طریقوں پر تبادلہ خیال کیا۔
عالمی امن و سلامتی کے استحکام کے حوالے سے کوششوں کا جائزہ لیا گیا( فوٹو: ایس پی اے)
علاوہ ازیں علاقائی و بین الاقوامی پیش رفت اور اس حوالے سے کی جانے والی مختلف کوششوں پر بھی بحث ہوئی۔
وزارتی اجلاس میں عالمی امن و سلامتی کے استحکام کے حوالے سے مشترکہ یکجہتی کو مزید مضبوط بنانے کی اہمیت سے اتفاق کیا۔
پائیدار ترقی کے اہداف کے حصول کے سلسلے میں فریقین کی کوششوں کا بھی جائزہ لیا گیا۔
