چین میں جاری 19 ویں ایشین گیمز میں کھیلے گئے والی بال کے مقابلے میں پاکستان نے روایتی حریف انڈیا کو صفر کے مقابلے میں تین سیٹس سے شکست دے دی ہے۔
انڈیا کو ہرانے کے بعد پاکستان نے ایشین گیمز میں والی بال کے مقابلوں میں پانچویں پوزیشن حاصل کر لی ہے۔
منگل کو چینی شہر ہینگزو میں کھیلے گئے میچ میں پاکستان نے روایتی حریف کو 21-25، 20-25 اور 23-25 سے شکست دی۔
مزید پڑھیں
-
سعودی عرب 2034 کے ایشین گیمز کی میزبانی کرے گاNode ID: 525296 -
ایشین گیمز: پاکستان والی بال ٹیم کے کوچ کیوں رو پڑے؟Node ID: 798321 -
پاکستان نے میچ میں 75 جبکہ انڈیا نے 64 پوائنٹس سکور کیے۔
اس سے قبل ایشین گیمز میں والی بال کے مقابلوں کے کوارٹر فائنل میں قطر نے پاکستان کو صفر کے مقابلے میں تین سیٹس سے ہرا دیا تھا۔
قطر نے پاکستان کے خلاف مجموعی طور پر 99 پوائنٹس سکور کیے تھے جبکہ پاکستانی ٹیم 86 پوانٹس ہی سکور کر پائی تھی۔
اسی طرح پچھلے مقابلوں میں پاکستان نے جنوبی کوریا کو صفر کے مقابلے میں تین سیٹس سے ہرایا تھا۔
پاکستانی والی بال ٹیم نے ایونٹ میں اپنے دوسرے میچ میں میزبان چین کو بھی صفر کے مقابلے میں تین سیٹس سے شکست دی تھی جبکہ ایشین گیمز میں کے پہلے میچ میں پاکستان نے منگولیا کو بھی صفر کے مقابلے میں تین سیٹس سے زیر کیا تھا۔
ایشین گیمز میں پاکستان والی ٹیم کے کوچ اسانائے رامیرز فیراز کی ویڈیو بھی انٹرنیٹ پر خوب وائرل ہوئی جب وہ جنوبی کوریا کے خلاف جیت پر انٹرویو میں جذباتی ہوگئے۔
Congratulations to the Men in Green #Pakistan's volleyball team coach Issanaye Ramires Ferraz could not hold his tears during an interview after a stunning victory against South Korea 3-0 in the ongoing Asian Games 2023.
— With such a remarkable win, Pakistan qualified… pic.twitter.com/58lUzWAIYg
— The Pakistan Telegraph (@TelegraphPak) September 23, 2023
برازیل سے تعلق رکھنے والے اسانائے رامیرز فیراز ٹیم کی کامیابی پر کھلاڑیوں کی خوب تعریف کرتے نظر آئے۔
پاکستان والی بال ٹیم کے کوچ کا کہنا تھا کہ ’اس جیت کا کوئی زاویہ نہیں ہے، آپ کو نہیں پتا کہ یہ لڑکے اس کورٹ میں آنے تک کیا کیا برداشت کر کے آتے ہیں۔ یہ بہت مشکل ہے، بہت مشکل ہے، لیکن ہمیں پتا ہے کہ یہ ممکن ہے۔‘
