فالکن میلے میں تین باز ایک لاکھ ریال میں فروخت

ریاض میں فالکن کلب کے تحت جاری میلے میں گزشتہ رات تین باز فروخت ہوئے جن کی مجموعی قیمت ایک لاکھ 3 ہزار تھی۔

سبق ویب سائٹ کے مطابق فالکن میلہ گزشتہ 7 دنوں سے جاری ہے جس میں اب تک 10 لاکھ ریال سے زیادہ کا کاروبار ہوا ہے۔

انتظامیہ نے کہا ہے کہ ’باز پالنے اور شکار کرنے کے شوقین افراد کی بڑی تعداد میلے میں دلچسپی رہی ہے‘۔

’میلے میں مقامی بازوں کے علاوہ خلیجی،یورپ، امریکہ اور دیگر علاقوں سے لائے جانے والے باز فروخت کئے جار ہے ہیں‘۔

’انتظامیہ باز خریدنے والے سرٹیفیکیٹ دیتی ہے جس کے بعد وہ باز قانونی طور پر اس کی ملکیت میں چلا جاتا ہے‘۔

انتظامیہ نے کہا ہے کہ ’بازوں کی نیلامی سوشل میڈیا پر کلب کے تمام اکاؤنٹس پر براہ راست دیکھی جاسکتی ہے‘۔