مسجد الحرام باب الفتح کے مینارے پر سنہرے ہلال کی تنصیب 

مسجد الحرام مکہ مکرمہ میں باب الفتح کے مینارے پر سنہرے رنگ کا ہلال نصب کیا گیا ہے۔ 

حرمین شریفین  کی نگہداشت کرنے والے ادارے نے آفیشنل ایکس اکاؤنٹ پر ویڈیو اور تصاویر شیئر کی ہیں جس میں بتایا گیا کہ مینارے عموما اسلامی فن تعمیر اور خصوصا مسجد الحرام کے قابل دید مقامات میں شمار ہوتے ہیں۔ 

مسجد الحرام میں تیرہ مینارے ہیں۔ ہر مینارے پر سنہرے رنگ کا ہلال نصب ہے۔ 

 مسجد الحرام کے میناروں میں نصب کیے جانے والے سنہرے ہلال کاربن فائبر سے تیار کردہ ہیں جسے مضبوط مانا جاتا ہے۔ اس میں موسمیاتی اثرات کو برداشت کرنے کی صلاحیت بہت زیادہ ہوتی ہے۔ ہلال پر سنہرے رنگ کا  پانی چڑھا ہوا ہے۔ سنہرا رنگ ہلال کے حسن اور اس کی چمک دمک کو برقرار رکھنے کے لیے استعمال کیا گیا ہے۔

ہلال کا اندرونی ڈھانچے معیاری فولاد سے تیار کردہ ہے۔ 

باب الفتح کے مینارے میں نصب کیے جانے والا ہلال آخری ہے۔ مینارہ 130 میٹر سے زیادہ اونچا ہے جبکہ ہلال کی اونچائی 9 میٹر کے لگ بھگ ہے اور اس کا سٹینڈ دو میٹر چوڑا ہے۔