فالکن میلے میں ایک لاکھ 74 ہزار ریال میں دو باز فروخت
’ریاض میں فالکن کلب کے تحت نیلامی گزشتہ 26 دنوں سے جاری ہے‘ ( فوٹو: ایکس)
ریاض میں جاری فالکن کلب کے تحت میلے میں گزشتہ رات دو باز مجموعی طور پر ایک لاکھ 74 ہزار ریال میں فروخت ہوئے ہیں۔
سبق ویب سائٹ کے مطابق نیلامی میں باز پالنے کا شوق رکھنے والے کافی تعداد میں شریک تھے۔
انتظامیہ نے کہا ہے کہ ’ریاض میں فالکن کلب کے تحت نیلامی گزشتہ 26 دنوں سے جاری ہے‘۔
انتظامیہ نے بتایا ہے کہ ’پہلے باز پر نیلامی ہوئی تو شروع میں اس پر 50 ہزار ریال کی بولی لگی جو بڑھتے بڑھتے 93 ہزار ریال پر بند ہوگئی‘۔
’دوسرا باز الاحسا سے شکار کیا گیا تھا جو 81 ہزار ریال میں فروخت کیا گیا ہے‘۔
انتظامیہ نے کہا ہے کہ ’میلے میں اب تک 60 لاکھ سے زیادہ کا کاروبارہوا ہے‘۔
’میلے میں باز پالنے اور شکار کھیلنے کا شوق رکھنے والوں کو کافی سہولتیں فراہم کی جاتی ہیں‘۔
واضح رہے کہ بازوں پر نیلامی کلب کے تمام سوشل اکاؤنٹس پر براہ راست دیکھی جاسکتی ہے۔
مکہ ریجن میں بدھ سے جمعے تک بارش کا امکانNode ID: 810131
’سوڈانی فریقوں کا جنگ بندی پر رضامند نہ ہونا افسوسناک‘Node ID: 810136
