سعودی ٹیم ورلڈ کپ 2026 کے لیے ایشین قومی ٹیموں کے دوسرے راؤنڈ کوالیفائرز کے پہلے راؤنڈ کے میچ میں پاکستان کو شکست دینے میں کامیاب رہی۔
اس حوالے سے سکائی سپورٹس کا کہنا ہے کہ یہ پانچویں میچ میں ٹرینر کی حیثیت سے مانچینی کی پہلی کامیابی ہے۔
اٹلی کے جریدے نے پاک، سعودی ٹیموں کے مقابلے پر تبصرے میں کہا کہ یہ مانچینی کی پانچویں کوشش ہے اور سب سے اہم ہے یہ باقاعدہ پہلا میچ تھا جس میں ٹرینر نے سعودی ٹیم کو پہلی کامیابی دلائی۔
سکائی سپورٹس کا کہنا ہے کہ ، ٹرینر کی حیثیت سے مانچینی کی پہلی کامیابی ہے(فوٹو، ایکس )
اٹلی کے ایک اور جریدے نے مذکورہ میچ پر تبصرہ کرتے ہوئے کہا کہ فٹبال ورلڈ کپ 2026 کے حوالے سے پاکستان کے خلاف سعودی عرب کی کامیابی مانچینی کی پہلی اچھی کامیابی ہے۔
سعودی عرب کے انگریزی اخبار ’سعودی گزٹ‘ نے میچ پر تبصرہ کرتے ہوئے کہا کہ مملکت نے پاکستان کو فٹبال کےمیچ میں شکست دے کر کامیابی حاصل کی ہے اور یہ ورلڈ کپ 2026 کی جہت میں سعودی عرب کی اچھی ابتدا ہے۔
