اپنے ’مزاحیہ‘ گانوں سے شہرت پانے والے گلوکار چاہت فتح علی خان نے 2024 کے عام انتخابات میں حصہ لینے کا فیصلہ کر لیا ہے۔
اپنے ایکس (سابقہ ٹوئٹر) اکاؤنٹ پر ویڈیو پیغام جاری کرتے ہوئے چاہت فتح علی خان نے تصدیق کی کہ انہوں نے لاہور کے حلقہ این اے 128 سے اپنے کاغذات نامزدگی جمع کروائے ہیں۔
ویڈیو پیغام میں چاہت فتح علی خان کا کہنا تھا ’میں چاہتا ہوں کہ میں عوام میں رہ کر سب کی خدمت کروں، ہر طرف خوشیاں ہی خوشیاں آئیں گی۔ میں لاہور کے حلقہ این اے 128 سے الیکشن لڑنے والا ہوں، بھنگڑے بھی ہوں گے اور خوشیاں بانٹی جائیں گی۔‘
— Chahat Fateh Ali Khan (@chahat_fateh) December 25, 2023
چاہت، جن کا اصل نام کاشف رانا ہے، نے اپنے وکیل کے ذریعے کاغذات نامزدگی جمع کرائے ہیں۔
پیر کے روز اپنے ایک اور ویڈیو پیغام میں چاہت فتح علی خان نے بتایا کہ وہ آزاد امیدوار کی حیثیت سے حلقہ این اے 128 سے الیکشن میں حصہ لے رہے ہیں۔ انہوں نے عوام سے ووٹ کی درخواست کرتے ہوئے کہا کہ ’آپ سب نے پاکستان کی محبت اور خدمت کیلئے ووٹ دینا ہے، میں اپنی سرزمین پاکستان اور آپ کی خدمت کروں گا۔‘
Aslaam O Alikum G
I am an Independent Candidate for National Assembly of Pakistan NA 128 MashaAllah pic.twitter.com/1894VRmneV— Chahat Fateh Ali Khan (@chahat_fateh) December 25, 2023
چاہت فتح علی خان کی ویڈیوز شیئر ہوتے ہی سوشل میڈیا صارفین نے کمنٹس پر اپنی رائے کا اظہار کیا۔ ایک صارف نے انسٹاگرام پوسٹ کے نیچے کمنٹ کیا ’جو اس ملک کے حالات ہیں، چاہت صاحب بہت اچھے امیدوار ہیں جو ملک کی تباہی کا عمل تیز کرنے میں مددگار ثابت ہوں گے۔‘
ملک گدیل نامی صارف نے لکھا ’میں نے تو پہلے ہی کہا تھا کہ پاکستان کو صرف چاہت ہی ٹھیک کر سکتا ہے۔‘
نعمان عزیز نے ایکس (سابقہ ٹوئٹر) پر کمنٹ کیا کہ ’ اک بات لکھ لیں، آپ کے چاہنے والے کروڑوں ہیں پر آپ کو ووٹ صرف 4 ملنے ہیں۔‘
اک بات لکھ لے، آپ کے چاہنے والے کروڑوں ہیں پر آپ کو ووٹ صرف 4 ملنے ہیں
— Numan Aziz (@NumanAziz_) December 25, 2023
محبوب ربانی نے اپنے کمنٹ میں لکھا ’چچا کس کام میں پڑ گئے ہو، نا گلوکاری صحیح آتی ہے نہ ایکٹنگ، پتا نہیں کس نے آپ کو الیکشن لڑنے کا مشورہ دیا۔‘
یار چاچا کس کام میں پڑ گئے ہو نہ گلوکاری صحیح آتی ہے نہ ایکٹنگ، پتہ کس نے اپ کو الیکشن لڑنے مشورہ دیا ہے۔ ال دی ویں فرام گلگت بلتستان۔
— Mehboob Rabbani (@mehboobjeegmai1) December 25, 2023