خاتون کو نازیبا اشارہ کرنے والے ڈرائیور کو قید اور جرمانے کی سزا
جمعرات 4 جنوری 2024 17:40
جرم ثابت ہونے پر 6 ماہ قید اور 3 ہزار ریال جرمانے کی سزا سنائی گئی(فوٹو، ایکس اکاونٹ)
مدینہ منورہ کی اپیل کورٹ نے خاتون کو ہراساں کرنے پرمصری ڈرائیور کو قید اور جرمانہ کی سزا سنا دی۔
سبق نیوز کے مطابق مدینہ منورہ میں ایک مصری ڈرائیور (پرائیوٹ بس ڈرائیور) نے خاتون کو نازیبا اشارہ کیا تھا جس پر خاتون نے اس کی وڈیو بنائی اور اسے پولیس کو ارسال کردی۔
سوشل میڈیا پر بھی اس حوالے سے صارفین نے مطالبہ کیا کہ ڈرائیور کی اس نازیبا حرکت کا فوری نوٹس لیا جائے اوراسے قرار واقعی سزا دی جائے۔
پولیس نے وڈیو کی مدد سے بس ڈرائیور کو گرفتار کرلیا۔ ملزم سے اقبال جرم کرانے کے بعد اس کی مقدمہ فوجداری عدالت میں بھیجا گیا جہاں اسے قید اورجرمانے کی سزا سنائی گئی۔
ابتدائی عدالت نے ملزم کو چھ ماہ قید اور 3 ہزار ریال جرمانہ کی سزا کا حکم سنایا۔ ابتدائی سزا کے خلاف اپیل دائر کی گئی جس پر اپیل کورٹ نے ابتدائی فیصلے کی توثیق کردی ۔
