ریاض میں اجتماعی جھگڑے کی وڈیو وائرل، تین شہری گرفتار

سعودی دارالحکومت ریاض میں پولیس کے کرمنل انویسٹی گیشن ڈیپارٹمنٹ نے اجتماعی جھگڑے میں ملوث تین شہریوں کو گرفتار کیا ہے۔ جھگڑے کی وڈیو سوشل میڈیا پر وائرل تھی۔

اخبار 24 کے مطابق ریاض ریجن کے پولیس ترجمان نے ایک بیان میں کہا کہ ’ملزمان کو ابتدائی قانونی کارروائی کے بعد پبلک پراسیکوشن کی تحویل میں دیا گیا ہے۔‘

ترجمان نے بیان میں کہا کہ ’جھگڑے میں ملوث دیگر افراد کو بھی گرفتار کیا جا رہا ہے۔‘