مملکت میں جمعرات کو صلاۃ استسقا ادا کریں: شیخ السدیس

مسجد الحرام و مسجد نبوی دینی امور انتظامیہ کے سربراہ اعلی شیخ ڈاکٹرعبدالرحمن السدیس نے تمام مسلمانوں سے اپیل کی کہ وہ صلاۃ استسقا کی ادائیگی کا اہتمام کریں۔

سبق ویب کے مطابق شیخ السدیس نے کہا کہ شاہ سلمان بن عبدالعزیز نے پیغمبر اسلام صلی اللہ علیہ وسلم کی سنت کے اتباع میں جمعرات کو مملکت بھر میں صلاۃ استسقا کی اپیل کی ہے۔

شیخ السدیس نے صلاۃ استسقا کے فضائل اور بارش نہ ہونے کی صورت میں اللہ تعالی سے مدد طلب کرنے کے لیے پیغمبر اسلام صلی اللہ علیہ وسلم کی پیروی میں صلاۃ استسقا کی  اہمیت اجاگر کی۔