مملکت کے یوم تاسیس پر جمعرات کو عام تعطیل ہوگی: وزارت افرادی قوت

سعودی وزارت افرادی قوت وسماجی بہبود کا کہنا ہے کہ مملکت کے یوم تاسیس پر جمعرات 22 فروری کوعام تعطیل ہوگی۔

سرکاری خبررساں ایجنسی ’ایس پی اے‘ کے مطابق وزارت افرادی قوت وسماجی بہبود کی جانب سے جاری نوٹیفکیشن میں مزید کہا گیاکہ یوم تاسیس پر مملکت میں سرکاری، نجی اور غیرمنافع بخش اداروں میں تعطیل ہوگی۔

واضح رہے مملکت میں سرکاری سطح پر یوم تاسیس کے موقع پرعام تعطیل کا اعلان سال 2022 میں کیا گیا تھا ۔ گزشتہ دو برسوں سے یوم تاسیس کے موقع پر عام تعطیل کا اعلان کیا جاتا ہے۔

سرکاری اعلان کے مطابق یوم تاسیس ہفتہ وار تعطیل کے دن ہونے کی صورت میں عام تعطیل ایک دن قبل یا ایک دن بعد دی جاتی ہے۔

اس سال یوم تاسیس 22 فروری بروز جمعرات کو ہوگا اس حساب سے سرکاری اداروں میں 3 روزہ تعطیل ہوگی جبکہ وہ نجی ادارے جہاں جمعہ اور سنیچر کو بھی ہفتہ وار تعطیل ہوتی ہے ان کے ملازمین بھی تین روزہ چھٹیاں منائیں گے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں