ٹریفک خلاف ورزیوں پر ایک ہزار 3 سو موٹر سائیکلیں ضبط

سعودی محکمہ ٹریفک نے متعدد خلاف ورزیوں پرایک ہزار 303 موٹر سائیکلیں ضبط کی ہیں۔

سبق ویب سائٹ کے مطابق 14 اپریل سے 20 اپریل تک مختلف شہروں سے موٹر سائیکلیں ضبط ہوئی ہیں۔

محکمہ ٹریفک نے کہا ہے کہ ’ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے‘۔

محکمے نے موٹر سائیکل چلانے والوں کو سختی کے ساتھ ہدایت کی ہے کہ وہ ٹریفک قوانین کی پابندی کریں۔

محکمے نے کہا ہے کہ ’جس طرح گاڑیوں پر ٹریفک قوانین لاگو ہوتے ہیں اسی طرح موٹر سائیکلوں پر بھی لاگو ہیں‘۔

محکمہ ٹریفک نے کہا ہے کہ ’سب سے زیادہ جدہ میں موٹر سائیکلیں ضبط ہوئی ہیں جن کی تعداد 613 ہے‘۔

’ریاض ریجن میں 407، مکہ مکرمہ میں 9، مدینہ منورہ میں 95، مشرقیہ ریجن میں 41 اور تبوک میں 6 موٹر سائیکلیں ضبط ہوئی ہیں‘۔