سعودی عرب کی جانب سے فلسطینی عوام کے لیے امدادی سامان لے کر 50 واں طیارہ بدھ کو مصرکے العریشں انٹرنیشنل ایئرپورٹ پہنچ گیا۔
سرکاری خبررساں ادارے ایس پی اے کے مطابق شاہ سلمان مرکز برائے امداد وانسانی خدمات کے تحت وزارت دفاع کے تعاون سے غزہ کے متاثرین کےلیے بھیجے گئے طیارے میں فوڈ باسکٹس موجود ہیں۔
یہ امداد سعودی عرب کے انسانی کردار کے فریم ورک کے تحت آتی ہے جس کا مقصد مختلف بحرانوں اور مصائب میں برادر فلسطینی عوام کے ساتھ کھڑے رہنا ہے۔
یاد رہے کہ شاہ سلمان مرکز غزہ پٹی کے متاثرین کی مدد کے لیے فضائی اور بحری پل قائم کیے ہوئے ہے۔
اب تک 50 طیاروں کے ذریعے امدادی سامان پہنچایا جاچکا ہے جبکہ پانچ بحری جہاز بھیجے گئے ہیں۔
سعودی عرب نے 20 ایمبولینسز بھی بھیجی ہیں جبکہ غزہ کے فلسطینی متاثرین کی مدد کے لیے عطیات مہم بھی چلائی گئی۔
