وزیر مذہبی امور چوہدری سالک کی مدینہ منورہ آمد ، حج انتظامات کا جائزہ لیا

وفاقی وزیر مذہبی امور چوہدری سالک حسین اور ایڈیشنل سیکرٹری ڈاکٹر سید عطاء الرحمن حج انتظامات کا جائزہ لینے کے لیے پاکستان ہاؤس مدینہ منورہ پہنچے۔

تفصیلات کے مطابق ڈائریکٹر مدینہ منورہ  ضیاء الرحمن نے وفاقی وزیر مذہبی امور کو  پاکستان حج مشن سے متعلق بریفنگ دی۔ پاکستان ہاؤس میں قائم کیے گئے مختلف شعبوں کا دورہ بھی کیا اور حج انتظامات کا جائزہ لیا۔

وفاقی وزیر مذہبی امور چوہدری سالک حسین نے عازمین حج کو  بہترین سہولتوں کی فراہمی پر خادم حرمین شریفین شاہ سلمان بن عبدالعزیزآل سعود اور ولی عہد مملکت شہزادہ محمد بن سلمان بن عبدالعزیزآل سعود کا خصوصی شکریہ ادا کیا۔

ان کا کہنا تھا کہ امسال حج 2024 کے لیے مدینہ منورہ میں پاکستانی عازمین حج کیلئے مرکزیہ کے علاقے میں مسجد نبوی کے قریب  رہائش حاصل کرنا پاکستان حج مشن کی بڑی کامیابی ہے۔ پاکستان حج مشن محنت، لگن اور دینی جذبے کے تحت عازمین حج کی خدمت میں مصروف عمل ہے

وفاقی وزیر مذہبی امور چوہدری سالک حسین نے پاکستان حج مشن کے مختلف شعبہ جات کا دورہ کیا۔  اس دوران انہوں نے مدینہ حج مشن کے مین کنٹرول آفس میں  قائم کیے گئے شکایات سیل، شعبہ گمشدگی و بازیابی، مدینہ آمد و روانگی کے مراکز کا بھی دورہ کیا اور کام کا جائزہ لیا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں