سعودی وزارت تجارت کی نگراں ٹیموں کے حج سیزن کے دوران مدینہ منورہ میں مسجد نبوی اور اس کے اطراف کے تجارتی مراکز میں تفتیشی دورے جاری ہیں۔
سرکاری خبررساں ادارے ’ایس پی اے‘ کے مطابق وزارت تجارت کی نگراں ٹیموں نے حج سیزن کے دوران 9 مئی سے 6 جون 2024 تک 12765 تفتیشی دورے کیے اور 374 خلاف ورزیاں ریکارڈ کیں۔
تفتیشی مہم کا مقصد عازمین کو خوراک کی دستیابی اور نگرانی کے علاوہ دکانوں کی تجارتی رجسٹریشن اور اشیائے صرف کی قیمتیں چیک کرنا ہے۔
وزارت ٹیموں نے مسجد نبوی کے مرکزی علاقے، مسجد قبا، مسجد قبلتین، ذی الحلیفہ میقات اور حرمین ایکسپریس ٹرین کے علاوہ گولڈ مارکیٹس، سروس سینٹرز، مختلف مارکیٹوں اور پیٹرول سٹیشنز کے تفتیشی دورے کیے۔
