بصارت سے محروم یمنی امام مسجد شاہی مہمان کے طور پر حج کریں گے
جمعرات 27 مارچ 2025 20:35
انٹرویو میں انہوں نے حج کرنے کی خواہش کا اظہار کیا تھا۔(فوٹو: سکرین شاٹ)
سعودی وزیراسلامی امور شیخ ڈاکٹرعبداللطیف آل الشیخ نے یمن کے نابینا امام مسجد کو اس سال فریضہ حج کے لیے شاہی مہمان کے طورپر مدعو کرنے کے احکامات جاری کیے ہیں۔
عاجل نیوز کے مطابق یمن کے شہر تعز کے ایک امام مسجد شیخ ماجد الخدیوی کا انٹرویو نشر ہوا جس میں انہوں نے حج کرنے کی خواہش کا اظہار کیا تھا۔
وزیر اسلامی امور نے یمنی امام مسجد کی خواہش کا احترام کرتے ہوئے انہیں خادم حرمین شریفین پروگرام برائے حج کے تحت انہیں حج کرنے کی دعوت دی ہے۔
فریضہ حج کے لیے دعوت ملنے پر یمنی امام مسجد شیخ ماجد نے مملکت کی قیادت اور وزیر اسلامی امور کا شکریہ ادا کرتے ہوئے کہا’ برسوں کی خواہش پوری ہونے کا وقت آگیا ہے۔‘
