مصری صدر عبدالفتاح السیسی نے مناسک حج کے بہترین انتظامات، لاکھوں عازمین حج کو فراہم کی جانے والی خدمات اور ان کے تمام امورتحفظ ، سلامتی، سکون سے بھر پور روحانی ماحول میں آسان بنانے کی تعریف کی ہے۔
مصری صدر نے اپنے سوشل میڈیا اکاونٹ پر پوسٹ میں لکھا ’میں اس سال حج کے لیے مملکت یمں پرتپاک استقبال پر خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کا شکریہ ادا کرتا ہوں‘۔
یاد رہے مصری صدر عبدالفتاح السیسی جمعرات کو مدینہ منورہ پہنچے تھے جہاں انہوں نے مسجد نبوی میں، نوافل ادا کیے اور روضہ رسول پر حاضری دی۔
بعد ازاں وہ مناسک حج کی ادائیگی کے لیے جمعے کو مدینہ منورہ سے جدہ پہنچے۔
جدہ کے کنگ عبدالعزیز انٹرنیشنل ایئرپورٹ پر مکہ ریجن کے نائب گورنر شہزادہ سعود بن مشعل بن عبدالعزیز نے ان کا خیرمقدم کیا۔
