سعودی وزیر کمیونیکیشن اینڈ انفارمیشن ٹیکنالوجی انجینیئرعبداللہ بن عامر السواحہ نے سنیچر کو واشنگٹن میں امریکی وزیر تجارت جینا ریمنڈو سے ملاقات کی ہے۔
سرکاری خبر رساں ایجنسی ایس پی اے کے مطابق ملاقات میں خطے میں ڈیجیٹل معیشت کی ترقی کےلیے دونوں ملکوں کے درمیان سٹریٹجک شراکت داری کو مضوط بنانے پر تبادلہ خیال کیا گیا۔
امریکہ میں سعودی سفیر شہزادی ریما بنت بندر بھی موجود تھیں۔
یاد رہے کہ سعودی وزیر کمیونیکیشن، انفارمیشن ٹیکنالوجی نے جمعے کو وائٹ ہاوس میں کئی امریکی عہدیداروں سے ملاقاتیں کی تھیں۔
یہ ملاقاتیں سعودی وزیر کے دورہ امریکہ کا حصہ ہیں جس کا مقصد تعلقات کو مضبوط بنانا اور مملکت کی ڈیجیٹل معیشت کی ترقی کی سپورٹ کرنا ہے۔
اس دورے میں ٹیکنالوجی سرمایہ کاری، وینچر کیپیٹل کو فروغ دینے، انٹر پرینیور شپ کی سپورٹ اور نجی شعبے کی کمپنیوں کے درمیان تعاون کے مواقع پیدا کرنے کے لیے بڑی ٹیک کمپنیوں کی لیڈر شپ کے ساتھ ملاقاتیں شامل ہیں۔
