سعودی عرب کے انسانی ہمدردی کے اقدام مسام پروجیکٹ کے تحت 2018 میں اس کے آغاز سے اب تک یمن میں چارلاکھ 56 ہزار664 بارودی سرنگوں اور نہ پھٹنے والی ڈیوائسز کو صاف کیا جا چکا ہے۔
عرب نیوز کے مطابق مسام پروجیکٹ کے ڈائریکٹر اسامہ القصبی نے بتایا ’ان میں دو لاکھ 96 ہزار 954 بارودی سرنگیں، ایک لاکھ 45 ہزار 16 اینٹی ٹینک بارودی سرنگیں، 8 ہزار 120 دیسی ساختہ دھماکہ خیز ڈیوائسز اور 6 ہزار 574 اینٹی پرسنل بارودی سرنگیں شامل ہیں‘۔
سعودی امدادی ایجنسی شاہ سلمان مرکز برائے امداد و انسانی خدمات کی نگرانی میں مسام پروجیکٹ جنگ زدہ ملک میں حوثیوں کی بچھائی گئی بارودی سرنگوں کو صاف کرنے کا کام جاری رکھے ہوئے ہے۔
گزشتہ ہفتے کے دوران یمن کے مختلف علاقوں میں حوثیوں کی نصب کردہ مزید ایک ہزار139 بارودی سرنگوں کو صاف کیا ہے۔
گزشتہ ہفتے مسام پراجیکٹ کی خصوصی ٹیموں نے یمن کے مختلف علاقوں سے771 باردودی سرنگیں، 59 اینٹی ٹینک بارودی سرنگیں، دو اینٹی پرسنل بارودی سرنگیں اورپانچ دیسی ساختہ دھماکہ خیز ڈیوائسزکو صاف کیا ہے۔
حوثیوں کی جانب سے یمن بھر میں نصب کی جانے والی بارودی سرنگوں سے بچوں، خواتین اور معمرافراد سمیت معصوم شہریوں کی زندگیوں کو شدید خطرہ لاحق ہے۔
مارب، عدن، الجوف، لحج، صنعا، صعدہ، البیضا، الضالع، شبوہ، تعز، الحدیدہ اور دیگر علاقوں سے بارودی سرنگیں صاف کی گئی ہیں۔
