شہزادہ فیصل بن فرحان سے انڈین ہم منصب کی ملاقات

سعودی وزیر خارجہ شہزادہ فیصل بن فرحان  سے انڈین ہم منصب سبرامین جے شنکر نے ملاقات کی ہے۔

سعودی پریس ایجنسی کے مطابق ملاقات جی سی سی تعاون کونسل کے جنرل سیکریٹریٹ کے صدر دفتر ریاض میں ہوئی ہے۔

دونوں وزرائے خارجہ نے سعودی عرب اور انڈیا کے باہمی تعلقات اور مختلف شعبوں میں تعاون کو فروغ دینے پر تبادلہ خیال کیا ہے۔

سعودی اور انڈین وزرائے خارجہ نے علاقائی اور بین الاقوامی معاملات  کے متعلق بھی بات چیت کی ہے۔

ملاقات کے دوران سعودی وزارت خارجہ کے سکریٹری برائے سیاسی أمور ڈاکٹر سعود الساطی اور وزارت خارجہ کے سکریٹری برائے بین الاقوامی أمور ڈاکٹر عبد الرحمن الرسی بھی موجود تھے۔