سٹار فٹبالر رونالڈو کو گول نمبر 900 تک پہنچنے پر اعزاز

النصر فٹبال کلب نے سٹار فٹبالر کرسٹیانو رونالڈو کو اپنے کیریئر میں گول نمبر 900 تک پہنچنے پر اعزاز دیا ہے۔

سبق ویب سائٹ کے مطابق کل جمعہ کو ریاض میں منعقد النصر اور الاہلی کے درمیان ہونے والے میچ سے پہلے کرسٹیانو رونالڈو کو خصوصی کٹ دی گئی جس پر 900 لکھا تھا۔

علاوہ ازیں  میچ دیکھنے کے لیے آنے والے سپورٹروں نے بھی رونالڈو کی تصویر اٹھا رکھی تھی جس پر 900 تحریر تھا۔

واضح رہے کہ فٹبال کی تاریخ میں سٹار فٹبالر کرسٹیانو رونالڈو پہلے کھلاڑی ہیں جنہوں نے اپنے کیریئر میں 900 گول کئے ہیں۔