کنگ سلمان سینٹر پاکستان میں امدادی مہمات کے لیے معاہدے کرے گا

کنگ سلمان سینٹر برائے انسانی امداد کل منگل کو پاکستان میں امدادی مہمات کے لیے متعدد اداروں کے ساتھ معاہدے کرے گا۔

سبق ویب سائٹ کے مطابق معاہدوں پر دستخط اسلام آباد میں سعودی سفیر نواف بن سعید المالکی اور پاکستانی حکام کی موجودگی میں ہوگی۔

معاہدوں پر دستخط کے موقع پر پاکستان میں کام کرنے والے امدادی اداروں کے نمائندوں کو بھی مدعو کیا گیا ہے۔

خیال رہے کہ معاہدوں کے مطابق پاکستان کے متعدد پسماندہ علاقوں میں طے شدہ منصوبے کے مطابق امدادی مہمات چلائی جائیں گی۔

واضح رہے کہ کنگ سلمان سینٹر نے 2015 سے متعدد ممالک میں امدادی مہمات چلا رکھی ہیں جن کی بدولت اب وہ عالمی امدادی ادارے کے طور پر متعارف ہوگیا ہے۔