پاکستان میں جمعرات 31 اکتوبر کو سونے کی قیمت کیا رہی؟

پاکستان میں جمعرات کو ایک تولہ سونے کی قیمت میں 700 روپے کی کمی ریکارڈ کی گئی ہے۔

سندھ صرافہ بازار ایسوسی ایشن کے مطابق جمعرات کو 700 روپے کمی کے بعد ملک میں سونے کی فی تولہ قیمت 2 لاکھ 87 ہزار اور 200 روپے ہوگئی ہے جبکہ بدھ کو اس کی قیمت 2 لاکھ 87 ہزار اور 900 روپے تھی۔

حالیہ کمی کے بعد 10 گرام سونے کی قیمت میں بھی 600 روپے کی کمی ہوئی ہے جس کے بعد اس کی نئی قیمت 2 لاکھ 46 ہزار 228 روپے ہوگئی ہے۔ اس طرح بائیس قیراط سونے کے دس گرام کی قیمت 2 لاکھ 25 ہزار 709 روپے رہی۔

دوسری جانب فی تولہ چاندی کی قیمت میں 100 روپے اضافہ ہوا ہے جس سے اس کی نئی قیمت 3 ہزار 450 روپے رہی جبکہ 10 گرام چاندی کی قیمت میں 85 روپے اضافہ کے بعد اس کی قیمت 2 ہزار 957 روپے رہی۔

ایسوسی ایشن کے مطابق عالمی مارکیٹ میں سونے کی فی اونس قیمت میں 7 ڈالر کی کمی ہوئی ہے جس کے بعد اس کی نئی قیمت 2 ہزار 777 ڈالر ہوگئی ہے۔