سعودی عرب فٹبال فیڈریشن نے پاکستان فٹبال فیڈریشن کو دوستانہ میچ کی باضابطہ دعوت دی ہے جو دونوں ملکوں کی سینیئر ویمنز ٹیموں کے مابین کھیلا جائے گا۔
پاکستان فٹبال فیڈریشن کی جانب سے جمعے کو جاری کیے گئے بیان میں کہا گیا ہے کہ سعودی عرب کی فٹبال فیڈریشن نے دعوت دی ہے اور یہ میچ قطر میں کھیلا جائے گا۔
دونوں ملکوں کی ویمنز فٹبال ٹیمیں قطر میں ٹریننگ کیمپ میں شریک ہوں گی جو فیفا کے تحت رواں ماہ 25 نومبر سے اگلے ماہ سات دسمبر تک شیڈول ہے۔
پاکستان اور سعودی عرب کی ٹیموں میں یہ میچ سات دسمبر کو قطر کے دارالحکومت دوحہ میں کھیلا جائے گا۔
پاکستان فٹبال فیڈریشن کے مطابق میچ کے لیے تیاریاں شروع کر دی گئی ہیں اور مزید تفصیلات بھی جلد جاری کی جائیں گی۔
