افتتاح کے پہلے ہی روز ’ونڈرلینڈ‘ کے تمام ٹکٹ فروخت

جدہ میں تفریحی مقامات میں اضافے کا کام جاری ہے۔ ’ونڈرلینڈ‘ کا افتتاح ہوتے ہی پہلے ہی دن تمام ٹکٹ فروخت ہوگئے۔ ونڈرلینڈ کا تفریحی پارک 30 دن تک جاری رہےگا۔

سبق نیوز کے مطابق ونڈر لینڈ کے حوالے سے لوگوں میں کافی زیادہ دلچسپی پائی جاتی تھی اسی لیے پہلے ہی دن لوگوں کی بڑی تعداد نے ٹکٹ حاصل کرلیے۔

  فروخت مکمل ہونے کے بعد ٹکٹ کاؤنٹرز بند کردیئے گئے جس پربعد میں وہاں آنے والوں کو آن لائن دوسرے دن کی بکنگ کرنا پڑی۔

ونڈرلینڈ کی انتظامیہ کا کہنا ہے کہ تفریحی پروگرام 10 دسمبر 2024 تک جاری رہے گا۔ شاہ عبدالعزیز روڈ پر بڑے علاقے پر ونڈر لینڈ کے نام سے تفریحی پارک قائم کیا گیا ہے جہاں بچوں کی تفریح کےلیے کافی پروگرامز پیش کیے جارہے ہیں جن میں واٹرپارک بھی ہے جسے عوام کی جانب سے کافی سراہا جارہا ہے۔

توقع ہے کہ مذکورہ تفریحی پارک میں یومیہ 7 ہزار تک لوگ آئیں گے۔