ورلڈباکسنگ : فلائیڈ مے ویدر اور کونر میکگریگر کا عالمی دورہ ، مقابلہ 2اگست کو ہوگا

لندن: ناقابل شکست پروفیشنل امریکی باکسر فلائیڈ مے ویدر اور ان کے حریف آئر لینڈ کے الٹیمیٹ فائنٹنگ چیمپیئن اور باکسر کونر میکگریگر کا تشہیری مہم کے سلسلے میں عالمی دورہ لندن میں اختتام کو پہنچ گیا۔ باکسنگ مقابلہ 2اگست میں ہو نے والا ہے۔ اس دورے میں دونوں نے اپنے اپنے اسٹاف کے ساتھ پرتعیش جیٹ طیاروں میں لاس اینجلس ، ٹورنٹواور نیو یارک میں بھی قیام کیا ۔ لندن کے علاوہ ان بقیہ 3شہروں میں بھی دونوں باکسرز نے طے شدہ پروگرام کے مطابق میڈیا کے سامنے ایک دوسرے کی خوب خوب مٹی پلید کی اور جو منہ میں آیا ایک دوسرے کو سناتے رہے۔دونوں کے درمیان مقابلہ 2اگست کو لاس ویگاس میں ہوگا۔ آئرش باکسرنے دعویٰ کیا ہے کہ وہ مے ویدر کے ہوش وحواس میچ کے چوتھے راﺅنڈ میں ہی اڑا دے گا۔ایسے ہی بلند بانگ دعوے امریکی باکسرنے بھی کئے۔ اپنی دولت کی نمائش کے شوقین مے ویدر نے اس دورے کے دوران ایک مرحلے پر اپنے بیگ میں بھرے ڈالر بھی کونر پر نچھاور کئے جس پر آئرش باکسر نے اس کا مذاق اڑایا کہ ایک ڈالر کے نوٹ لے کر گھومتے ہوئے تمہیں شرم نہیں آتی۔اب شائقین کو ان کے مقابلے کا انتظار ہے اور اس فائٹ کو مالی لحاظ سے بھی باکسنگ کی تاریخ کے بڑے مقابلے کی حیثیت حاصل ہو چکی ہے