ممبئی ایئرپورٹ کے ٹوائلٹ سے سونا برآمد

ممبئی۔۔۔۔ممبئی ایئر پورٹ پر دبئی سے آنے والے مسافرکا اسمگل شدہ ایک کلو سونا برآمد کرلیا گیا ۔ محمد علی کے پورم دبئی سے ممبئی پہنچا تھا۔ جیسے ہی وہ اترا ،کسٹم حکام نے مشتبہ سمجھ کر اسکا پیچھا شروع کردیا۔وہ پہلے امیگریشن کاؤنٹر کے قریب ٹوائلٹ پر گیا جس کے بعد کسٹم کلیئرنس کاؤنٹر پرآیا وہاں اس کی تلاشی لی گئی تو کچھ برآمد نہیں ہوا۔ حکام کو پہلے ہی اطلاع مل چکی تھی کہ وہ سونا اسمگل کررہا ہے۔ حکام نے تمام ٹوائلٹس کا جائزہ لینا شروع کیا جہاں سے انہیں 34لاکھ روپے مالیت کا 1.1کلو سونا برآمد ہوا۔حکام کو یہ جان کر حیرت ہوئی کہ ٹوائلٹ میں یہ سونا فلش ٹینک میں چھپایا گیا تھا جبکہ پلمبر کا کام ہر کوئی نہیں کرسکتا۔ اب کہا جارہا ہے کہ کوئی پلمبر بھی اس میں ملوث ہوسکتا ہے۔