ریاض سیزن کے موجودہ ایڈیشن میں انٹرٹینمنٹ اور ٹیکنالوجی کی بڑی عالمی کمپنیوں کی شرکت کے ساتھ آرٹ اور سپورٹس سے تعلق رکھنے والی معروف بین الاقوامی شخصیات کی میزبانی کی گئی، جس سے دنیا کے سب سے بڑے انٹرٹینمنٹ فیسٹول میں سے ایک کے طور پر اس کی پوزیشن مستحکم ہوئی ہے۔
ریاض سیزن کا آغاز اکتوبر میں ہوا جو مارچ 2025 تک جاری رہے گا۔
اس کا مقصد سیاحت اور تفریحی شعبوں کو فروغ دینا ہے۔ یہ سیزن منفرد تجربات فراہم کرتا ہے جس میں تھیٹر، میوزیکل پرفارمنس، ای سپورٹس ٹورنامنٹس، انٹرنیشنل ڈائننگ اور مہم جوئی کے لیے پرکشش مقامات شامل ہیں۔
سیزن کے پروگرام اور ایونٹس پانچ اہم زونز میں ہو رہے ہیں (فوٹو: ایکس اکاونٹ ریاض سیزن)
ریاض سیزن میں دنیا بھر سے آنے والوں کی نمایاں تعداد دیکھی جارہی ہے۔ سیزن میں جاری متنوع سرگرمیاں ہرعمر کے گروپوں کے ذوق کو پورا کرتی ہیں۔
ریاض سیزن کے پروگرام اور ایونٹس پانچ اہم زونز میں منعقد کیے جا رہے ہیں ان میں بولیوارڈ ورلڈ، کنگڈم ایریا، بولیوارڈ سٹی، دی وینیو اور السویدی پارک شامل ہیں۔
بولیوارڈ رن وے زون کے حالیہ آغاز نے وزیٹرز کے تجربے میں مزید اضافہ کیا ہے۔ یہ زون ایوی ایشن اور تفریح کا ایک منفرد امتزاج پیش کرتا ہے۔
ریاض سیزن میں موسم سرما کے دوران سنو سکینگ کا مزا لیںNode ID: 883700
