سیمسنگ گلیکسی نوٹ 8 لانچ کر دیا گیا

نیو یارک میں منعقدہ تقریب میں سیمسنگ نے نیا فلیگ شپ فون گلیکسی نوٹ 8 متعارف کرا دیا ہے ۔ اسے کمپنی کی اب تک کی سب سے بہترین ڈیوائس قرار دیا جا رہا ہے۔ فون کا ڈسپلے 6.3 انچ کا ہے اور بیٹری 3300 ایم اے ایچ کی ہے ۔ نوٹ 8 میں 12 میگا پکسل کا ڈوئل لینس بیک کیمرہ اور 8 میگا پکسل کا فرنٹ کیمرہ شامل کیا گیا ہے۔ دونوں کیمروں سے بیک وقت تصویر بھی لی جا سکتی ہے۔قرنیہ کے عکس کی مدد سے فون ان لاک کرنے کی سہولت موجود ہے۔ فون ڈیرھ میٹر پانی میں 30 منٹ تک ڈوب کر بھی محفوظ رہ سکتا ہے۔اس وقت فون میں اینڈرائیڈ نوگیٹ آپریٹنگ سسٹم دیا گیا ہے تاہم اسے چند ماہ کے اندر اینڈرائیڈ 8 یا اوریو سے اپ ڈیٹ کردیا جائے گا ۔ فون کی فروخت 15 ستمبر سے شروع ہوگی جبکہ اس کی قیمت 930 ڈالرزسے 1111 ڈالرز تک ہوگی۔