ایپل نے 4 کے ٹی وی لانچ کر دیا

کیلیفورنیا میں منعقد تقریب میں ایپل نے 3نئے آئی فونز اور اسمارٹ واچ کے ساتھ ساتھ 4 کے ٹی وی بھی لانچ کر دیا ہے۔اس ٹی وی میں 4 کے پکچر کوالٹی اور ایچ ڈی آر ٹیکنالوجی موجود ہے۔4 کے ٹی وی میں ایپل آئی پیڈ پرو کی طرح اے 10 ایکس فیوژن چپ دی گئی ہے اور ایپل کے پچھلے ٹی وی کے مقابلے میں اسکی سی پی یو پرفامنس 2 گنا اور گرافکس 4 گنا بہتر ہیں۔ اس کے پکسل ایچ ڈی کی نسبت 4 گنا زیادہ ہیں اور ریزولوشن 2160×3840 ہے۔ٹی وی میں ایچ ڈی آر موڈ کے لئے ڈولبائے وژن ٹیکنالوجی کا استعمال کیا گیا ہے۔یہ ٹی وی 22 ستمبر سے فروخت کے لئے پیش کیا جائے گا۔ 32 جی بی میموری کے ساتھ اسکی قیمت 179 ڈالر اور 64 جی بی میموری کے ساتھ قیمت 199 ڈالر ہے۔اسکے پری آرڈرز 15 ستمبر سے شروع ہوں گے۔