بالی وڈ کے اداکاراجے دیوگن،ارشد وارثی ، تشار کپوراور شریاس تلپاڈی کی ہنسی اور قہقہوں سے بھرپور بالی فلم” گول مال“ کی سلور اسکرین پر ایک بار پھر واپسی ہو رہی ہے ۔2006ءمیں بننے والی بالی وڈ کامیڈی فلم ”گول مال “کی چوتھی کڑی گول مال اگین کا موشن پوسٹر جاری کردیا گیا ہے۔روہت شیٹی کی ہدایتکاری میں بننے والی اس فلم میں اجے دیوگن، ارشد وارثی، تشار کپور، کنال کیمو، شریاس تلپاڈی سمیت بالی وڈ کی معروف اداکارہ تبو اور پرینیتی چوپڑا بھی مرکزی کردار میں نظر آئیں گے جبکہ فلم کی دیگر کاسٹ میں جانی لیور، مکیش تیواری، سنجے مشرا، نیل نیتن مکیش شامل ہیں۔”گول مال اگین “رواں سال 20اکتوبر کو نمائش کیلئے پیش کر دی جائے گی۔
