خواتین10شوال سے قبل ڈرائیونگ نہ کریں

جدہ ....قانونی مشیر اور وکیل عبدالکریم القاضی نے خواتین کو خبردار کیا ہے کہ وہ 10شوال 1439ھ سے قبل ڈرائیونگ سے گریز کریں۔ خواتین کو ڈرائیونگ لائسنس کے اجراءکی شاہی اجازت پر عملدرآمد 10شوال سے ہوگا۔قاضی نے عاجل سے گفتگو میں کہا کہ ڈرائیونگ لائسنس کی اجازت کا شاہی فرمان ابھی نافذ نہیں ہوا۔ اس سے قبل جو خاتون بھی ڈرائیونگ کرتی پائی جائیگی اس کے خلاف قانونی کارروائی ہوگی۔