تبوک ..... وزارت محنت کی ریجنل تفتیشی ٹیم نے خواتین کے ملبوسات کی فروخت کےلئے مرد کارکن کو متعین کرنے پر مشہور دکان پر 10 ہزار ریال جرمانہ عائد کر دیا ۔ سبق نیوز کے مطابق املج کمشنری میں مارکیٹوں کی تفتیش کے دوران ٹیم کو گارمنٹس کی مشہور دکان میں خواتین کے مخصوص ملبوسات فروخت کرنے والے شعبے میں قانون کی خلاف ورزی ریکارڈ کی جہاں خواتین کا رکنو ں کی جگہ مردوں کو متعین کیا گیا تھا جس پر تفتیشی ٹیم نے دکان پر 10 ہزار ریال جرمانہ عائد کر دیا ۔ واضح رہے خواتین کے مخصوص ملبوسات فروخت کرنے کےلئے خواتین کارکنوں کو ہی متعین کیا جانا لازمی ہے وہاں مرد کارکن کام نہیں کر سکتے ۔ قانون کی خلاف ورزی پر جرمانہ عائد کیا جاتا ہے ۔
