مملکت میں 60فیصد لوگ موٹاپے میں مبتلا

ریاض ۔۔۔صحت امور کے سعودی کنسلٹنٹ ڈاکٹر محمد الزبن نے بتایا ہے کہ سعودی عرب میں موٹے لوگوں کی شرح40سے 60فیصد ہے ۔ بچوں میں موٹاپے کا تناسب 40فیصد ہے ۔ یہ دنیا کے دیگر ممالک کے مقابلے میں بہت زےادہ ہے ۔ موٹاپا سعودی عرب میں خطرناک مرض کی صورت اختیار کرتا جا رہا ہے ۔ موٹاپے کا علاج ممکن ہے بشرطیکہ مریض ڈاکٹر سے تعاون کرے اور اس کی ہدایات پر عمل کرے ۔ مضر صحت غذائیں استعمال کرنے سے پرہیز کرے ۔ موٹاپے کی وجہ سے ہی ذیابیطس ، دل کے امراض اور کینسر کی بیماری پھیل رہی ہے ۔